Plantun de Prouvènço

Pèr coumpara dos planto d'encò nostre

Carex praecox & Diplotaxis muralis

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Rouqueto(-de-paret)

Diplotaxis muralis

Brassicaceae Cruciferae

Noms en français : Diplotaxis des murailles, Roquette des murailles.

Descripcioun :
Rouqueto de taio mejano (10-50 cm) que trachis dins li tepiero sablouso, li champ e lis ermas. Li fueio soun subretout à la baso, mai pas touto au contro de Diplotaxis viminea. Pèr la destria d'aquesto darriero fau peréu regarda li petalo, mai grando que sorton bèn de la flour e que soun emé un ounglet valènt-à-dire que s'estrechon d'un cop. Coumpara emé la rouqueto(-de-vigno).

Usanço :
Coume lis àutri rouqueto, se manjo en ensalado. Mai bon, coume es uno planto que se vèi bèn mens qu'à passa tèms, vous counseian de la pas trop acampa.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Diplotaxis
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Paret - Champ - Sablo
Estànci : Termoumediterran à Coulinen
Couroulougi : Pancaro entresigna
Ref. sc. : Diplotaxis muralis (L.) DC., 1821

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Diplotaxis muralis

ges

Coumpara Queirello(-proumierenco) emé uno autro planto

Coumpara Rouqueto(-de-paret) emé uno autro planto